په دې پروګرام کې د هېواد د اقتصادي لیدلوري، د افغانستان د کار بازار د وضعیت او بهیرونو، د کارموندنې او بې کارۍ د شاخصونو، د کار په بازار کې د شته فرصتونو او ننګونو او د هېواد پر اقتصادي بدلونونو د اغېز لرونکو عواملو په اړه مهم بحثونه وشول.
همدارنګه، ګډونوالو د افغانستان د اقتصادي وضعیت او کار بازار په اړه له تخصصي لیدلورو او معلوماتو سره بلدتیا ترلاسه کړه او د پروګرام د ګډونوالو او وړاندې کوونکو ترمنځ د پوښتنو د مطرح کولو، د نظرونو تبادلې او علمي بحث لپاره زمینه برابره شوه.
رڼا پوهنتون د دا ډول علمي پروګرامونو په ترسره کولو سره د اقتصادي پوهې د پیاوړتیا، د محصلانو د پوهاوي کچې د لوړولو او د هېواد د اقتصادي واقعیتونو ترمنځ د اړیکې د رامنځته کولو په برخه کې مهم ګامونه اخلي.